Hindi · Life · Poetry

Pyaar, ek sundar paheli

3d_love_paint-wide

Vo kehte hain unse pyaar na ho payega,

Vo darte hain koi nazdik aa kar fir chala jayega,

Ek baar tootkar, mushkil se jo sambhal rahe hain,
Firse tootne ka dard, unse kaise dekha jayega,
Sapne sirf sapne hi hote hain,
Sachhayi ka samna unse na ho payega,
Apni khushi, apne pyaar ko paane,
Zamane se ladne ki himmat kaun jutayega,
Apne zehan mein chupe har darr pe,
Koi kaise jeet dilayega,
Dil pe lage gehre zakhm pe,
Koi kaise marham lagayega !

Apne dil ka darwaza band rakhe,
Vo rishte nibhane chal pade hain,
Sochte hain ki jaise taise,
Ye jeevan chalta jayega,
Apne sukh suvidha ki cheezon se,
Mann ko khush rakhna aayega !

Yaad rahe, ye zindagi badi anmol hai,
Har lamha hai ishwar ka uphaar,
Apne andar ki khushi bhul kar,
Kab tak dilasa mil payega,
Kudrat ka ye niyam anokha hai,
Jo nihswarth dega, vo payega beshumaar,
Khud ko pyaar dena shuru kar,
Dusro ko dena aa jayega,
Sansaar k sukh dukh mein,
Sirf pyaar hi naiyaa paar lagayega !🙂🙂

 

Image Source: Google

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s